IMITERERE RUSANGE Y’AKARERE(GROUPEMENT) KA BIJOMBO.

Akarere cabuze groupement ya Bijombo iharurwa muri zone ya Uvira, iyi groupement ikaba igizwe n’imihana myinshi itandukanye nka gahuna,Mishenge,Kanono,kirumba,kijembwe, Canzovu ndetse n’indi.

Akarere ka Bijombo gahana imbibi n’akarere ka Kamombo bikaba bigabanyijwe n’uruzi rwitwa Rwerera ndetse imihana imwe n’imwe nka Kabara yepfo, Kabara ya ruguru, mutanoga n’indi bikaba bikora kuri bijombo. ku rundi ruhande ihana impibi na Zone ya Tombwe bakaba bagabanyijwe n’uruzi rwitwa Bijombo, imihana yo muri Tombwe ikora kuri Bijombo ni Kirimamba, Wigiti na Nyanjari, Bijombo ihana imbibe n’igahororo na Rurambo, Rubuga, Masango hakurya y’uruzi. iyo uvuye Uvira winjira muri bijombo uca kuri kirungwa, Munanira.

Muri iki cegeranyo tugiye kwibanda k’umuhana wa Gahuna ubarizwa muri aka Karere ka Bijombo.

ISHUSHO Y’UMUHANA WA GAHUNA

Gahuna ni umuhana wari ugabanyijemo ibice 2 aribyo gahuna ya 1 na gahuna ya 2, muri rusange gahuna yahanaga imbibi na Rwamabuye mu majaruguru,Kadegu mu majepfo, kwa Murata iburasirazuba ndetse no ku Kirambi uburengerazuba. indi mihana apakanye na gahuna  yepfo ni shenge (wari utuwe cane n’abapfurero), ku ruhande gashigo (iyobowe na Chef Migeri), kagogo y’abasama iyobowe na Neuvre haruguru hakaba irango iyobowe na Mujuri mu Majaruguru hakaba Kinyoni  iyobowe n’Abega. gahuna irangwa n’umusozi munini yitwa gahuna akaba ari nawo bitiriye aka gace kose bitewe nuko ari umusozi muremure cane ndetse ukaba wifashishwa na benshi mu gihe bashaka guhamagara kuri Telephone kuko worosha uburyo bw’ikoranabuhanga (Reseau Cabuze Network)

IMIYOBORERE YA GAHUNA

• Gahuna ya mbere yari iyobowe na Chef NGENZA wa GWESA yatwaye imyaka itari mike aza gusimburwa na Muyubira Kamuga akaba yari yungirijwe na Mushake.
• imwe mu mihana igize gahuna ya 1 ni rugeti, Mu Kadegu , mw’irongi, Kavutse, Mabuye yo kwa kamuga, Mabuye yo kwa Rumenge, kwa Murata , muri rusange iyi mihana yari utuwe n’umubare munini w’abasinzira ukuye umuhana wa Kagomero wari utuwe n’abitira.
• Gahuna ya kabiri iyobowe na Chef GASOSI w’abagorora mu ruhande ruja mw’ishenge.

NIKI GITANDUKANYA GAHUNA YA 1 NIYA 2?

• Ikigabanya gahuna ya 1 niya 2 ni uruzi rwa Gataba rwitwa NYAGATABA ndetse nuko buri gice gifite ubutegetsi byaco bwikukiye.

IBIKORWA BY’ITERAMBERE MURI GAHUNA YA 1

• 1. AMASOMO: Amateka agaragaza ko muri aka gace ka gahuna amasomo yari ateye imbere cane kuko abantu benshi bavaga muyindi mihana bakaza gucumbika muri gahuna kugira ngo babashe gukurikira amasomo neza. hari ikigo c’amashuri abanza citwa EP KAHUNA hakaba na Secondaire yitwa Instute Heri ifite Option ya Math Physique. Muri aka gace kandi twabibutsa ko hanabaye amasomo ya Bibiliya yarayobowe na Rev.MUDAGIRI Tabazi
• Bamwe mu babaye aba Pref kuri Instute Heri: KABURENTI w’abasinzira, SERUZIGA ,TUTU RUTIHINDA Charles, BIZIMA, MUNYAMAHORO ndetse hanayobowe na MWUNGURA (uyu yitabye Imana aguye muri KENYA). uretse kuba barabaye abayobozi b’iki kigo bafatwa nk’intwari cane bijanye nuko bamwe mu bantu bakomeye mu banyamulenge mu nzego zitandukanye babanyuze mu maso bababereye abayobozi ndetse bakanabigisha.
• 2. AMAKANISA: Imibereho y’umunyamulenge ntitandukana na buke n’imyemerere cabuze iyobokamana, niyo mpamvu muri gahuna hari hari amakanisa menshi bijanye n’imiturire. ahitwa mu Rugeti hari ikijiji cya CADEC centre yabo yari mu bijombo iki kijiji cyari kiyobowe na Silon MUNGAZI, muri Nyakadegu hari hari CEPAC yari iyobowe na Dieudonne , kuwa mabuye kwa Kamuga CEPAC Irango, Kuwa Mabuye kwa Rumenge hari ikijiji ca Catholic na CADEZA

IBIKORWA BY’ITERAMBERE MURI GAHUNA YA 2

1. ISOKO: Agace ka gahuna ya 2 kari kazwi cane bitewe n’isoko ryaremaga umunsi w’iyinga k’umugoroba rikitabirwa n’abantu benshi cane.
2. IKIWANJA CO KUPIGIRAHO: ku bijanye n’imyidagaduro na Siporo gahuna ntabwo yari yarasigaye inyuma kuko yari ifite ikipe y’akabumbu.
3. AMAKANISA: muri gahuna Habaga ikanisa ry’abapfurero rya Methodiste ndetse n’ikanisa ry’abanyamulenge rya Methodiste.

UBUZIMA BWA BURI MUNSI KU BATURAGE BA GAHUNA YA 1 NIYA 2

• Ubuzima bwa buri munsi bwa gahunda bwari bushingiye k’ubuhinzi ndetse n’ubworozi, muri rusange muri aka gace hahigwaga ibihingwa 3 aribyo: Ibigori,ibijumba by’indofanyi ndetse n’ibishimbo cane cane mu gace ka Gahuna ya 2, tutibagiwe ubwirozi bw’inka, intama, ibipfura ndetse n’inkoko. ubuzima bw’abaturage ba gahuna bwaranzwe n’amahoro n’urukundo ibi bigashimangirwa no gusabana abageni ndetse n’ibindi byose biranga abantu babanye neza.

AMWE MU MA CHORALE AZWI MURI GAHUNA

Aha twavuga nka Chorale Kadegu, Chorale Kirambi, Chorale Mabuye ndetse n’izindi muri rusange wasanga ga Chorale yitwa izina ry’umuhana cabuze.

ZIMWE MU MVUKIRE ZA GAHUNA

• ABA PASITORI:Bamwe mu Mvukire za Gahuna biragoye kubatandukanya n’imvukire z’indi Mihana yo muri Bijombo niyo mpamvu mubo tugiye kuvuga ushobora gusangamo bamwe na bamwe batari batuye muri Gahuna ica ngombwa nuko babarizwaga muri Bijombo. twahera kuri Dr Apotre GITWAZA Paul ndetse n’abandi ba Pasteur nka Rev. MUDAGIRI Tabazi, Pasteur Bazire (umugorora), Gombero (umusama) Serugo (Umusegege) Lawi (umwega) karubandika (Umusinzira mu nzu y’abatimbwa) ndetse n’abandi.
• Ikindi gice ni abantu bahasomeye nka Hon. Moise NYARUGABO, Dr SEBATUKURA BINYONYO n’abandi benshi bijanye nuko hari amasomo meza.

UKO GAHUNA YATEWE ,UKO YASENYWE NDETSE N’ABAYISENYE

• Nubwo twavuze ibyiza byose byarangaga gahuna, ikibabaje cane nuko ibi byose byasenywe hirya no hino. amateka agaragaza ko ntabundi gahuna yigeze isenywa nk’uko byabaye ubu, mu mwaka wa 2019 nibwo MAIMAI mu bwoko bwa BIROZI BISHAMBUKE basenye gahuna, batwika amazu, basahura ibintu, banyaga amatungu n’ibindi, nyuma yo gusenyerwa abari batuye gahuna bahungiye Kinyoni , murambya na irango. uyu munsi uretse agace gato kuri ubu gatuwe na chef Muyubira ahandi yose tabwo hatuwe bizuko habaye amatongo. icizere cuko uyu muhana wa Gahuna ndetse na Bijombo muri rusange izongera igaturwa ni cinshi ku banyabijombo ndetse n’abanyamulenge muri rusange bashingiye ku masezerano bafite muri kariya karere.