Mu mateka ya buri bwoko kw’isi usanga hari umwihariko kubijanye n’imihango ndetse n’ubuhanzi, bimwe mu biranga ubuhanga mu buhanzi bw’abanyamulenge ni amazina y’inka. benshi biragoye gutanga igisobanuro nyaco c’amazina y’inka, ibi byatumye twiyambaza umusaza GEREVAZI w’imyaka 84 maze atubwira byinshi kubijyanye n’amazina y’inka.

Mu gisobanuro c’amazina y’inka, uyu musaza yatubwiye ko ari uburyo bw’ubuhanzi bwuzuye ubuhanga bwakoreshwa hagamijwe gutaka no gusingiza uwaguhaye inka ndetse no kuvuga ubwiza bwiyo nka yaguhaye. Ibi bigakorwa mu buryo bwo guhuza amajambo ku buryo buri wese buitamworohera kumenya ubusobanuro bwico nyiri kuvuga yashatse kuvuga.

Umufano: “Wa nyana y’iceru wahitiye hagati muceregati, ugatuma zigucahira rimwe ari icenda. Iwacu ni mu ruvunga amahembe naje nshaka kuyamenyera, iyabo irabira iranjariba sinajijinganya ndarigenda inyenyeri zikaza nimpanukira ku nda, reka indembe zihemburwe na kirisi ntange ikaze mu kaya ka kirinda” iri ryavuzwe na NYABAROGO.  (uyu yitabye Imana yari umwitira)

Uyu musaza yakomeje atubwira ko amazina y’inka yakoreshwa ga cane cane mu birori bitandukanye nko mu makwe haba igihe cyo gusaba umugeni ndetse n’igice cyo kumucura.

DORE ABASAZA 10 BAMENYEKANYE MU KUVUGA AMAZINA Y’INKA:

1) MUYENGEZA (Umwitira)

2) NYABARONGO (Umwitira)

3) MBASHA (Umunyabyinshi)

4) KARUCIYE (Umunyabyinshi)

5) MUNYAKAZI (Umunyabyinshi)

6) KIMETE (Umudinzi/abagunga)

7) GAPURI (Umwega)

8) KAREMANZIRA(Umwega)

9) GATEMA (Umusinzira)

10) MATIGIRI Matayo (Umusita)

Mu gusoza iyi nkuru twifuje kumenya inkomoko y’amazina y’inka maze GEREVAZI atubwira ko byakomotse ku ku buhanzi bwuzuye ubuhanga cyane ko kera nta buryo bw’inyandiko bagira ga, ibi kandi bishimangirwa nuko amwe mu mazina y’inka yavuzwe mu myaka 90 ishize uyu munsi akivugwa nubwo abayavuze batakiriho.

Mu rwego rwo gusigasira ubuhanzi n’ubuhanga bw’abakurambere uyu musaza yifuje ko abato bakomeza gushaka uko bomenya uko amazina y’inka ahimbwa kugira ngo haboneke amazina y’inka masha kuko kuri ubu abenshi bavuga aya kera.

HARAKABAHO UMUNYAMULENGE N’UMUCO MWIZA!